sábado, 11 de mayo de 2019

Encontro có autor

No encontro semanal do CL Pintor de Castinande farase a presentación do último traballo de ANTÓN VALCARCE : Soños de chicolate  unha novela que fala da  existencia de ata cinco fábricas de chocolate en Monforte a mediados do século XX.

viernes, 26 de abril de 2019

O CL celebra o Día do Libro 2019


O club de lectura Pintor de Castinande realizou  unha viaxe polo Courel para celebrar o DÍA  do LIBRO 2019. 

O obxectivo principal foi visitar a Casa-Museo de UXÍO NOVONEYRA ( 1930-1999 ), no lugar de Parada en Folgoso de Courel. 

Neste lugar atopamos a  casa familiar (Casa da Fonte) do autor  de OS EIDOS. Convertida en Fundación no ano 2011 có fin de conservar e difundir a obra e o legado do poeta do Courel Está situada nun entorno impresionante, de gran beleza paisaxística. 

Fomos acompañados polo guía da casa , que nos amosou as diversas estancias desta vivenda rural, na que o poeta pasou unha gran parte da súa vida. Aquí atopamos moitas das súas creacións e tamén agasallos e moitos recordos dos seus amigos : escritores , pintores, os máis importantes creadores da nosa cultura : Lugrís,  Manuel María, Reimundo Patiño, Laxeiro...

Nesta casa tamén poidemos coñecer a dimensión plástica deste autor, coa súa pasión polo gravado , que quedará plasmado nos seus fermosos  caligramas.  
Courel dos tesos cumes que ollan de lonxe¡
Eiquí síntese ben o pouco que é un home.
(1952)



Xa pola tarde,o Club de lectura da Biblioteca de Sober fixo unha visita a lugares moi fermosos do Concello de Folgoso : a Poza das Mulas no río Lor  e o Castro da Torre con vestixios dunha asentamento romano. 
 Estivemos acompañados pola técnica de turismo do Concello de Folgoso de Courel , Ana Marta Arza González, que durante todo o día amosounos a súa terra e  fixo desta viaxe polo Courel unha xornada moi gratificante para tod@s.  Grazas Marta


Montañas do Courel Xeoparque Mundial da UNESCO.

lunes, 22 de abril de 2019

DIA DO LIBRO 2019





Día Mundial do Libro e do Dereito

de Autor, 23 de abril




O 23 de abril é un día simbólico para a literatura mundial xa que ese día en 1616 faleceron Miguel de Cervantes, William Shakespeare e o Inca Garcilaso de la Vega. A data coincide, ademais, co nacemento ou a morte doutros autores prominentes como Maurice Druon, Haldor K. Laxness, Vladimir Nabokov, Josep Pla e Manuel Mejia Vallejo.

Parecía entón unha elección natural que a Conferencia Xeral da UNESCO, celebrada en París en 1995, decidise render unha homenaxe universal aos libros e autores nesta sinalada data, alentando a todos, e en particular aos mozos, a descubrir o pracer da lectura e a valorar as insubstituíbles contribucións daqueles quen impulsou o progreso social e cultural da humanidade. Por este motivo, a UNESCO creou o Día Mundial do Libro e do Dereito de Autor, así como o Premio UNESCO de de literatura infantil e xuvenil en prol da tolerancia.

A 24ª edición do Día Mundial do Libro e do Dereito de Autor celebrará a literatura e a lectura, centrándose na importancia de mellorar e protexer as linguas indíxenas. Como un vector de coñecemento, os libros reúnen ás persoas ao redor dunha historia e un patrimonio común, ao mesmo tempo que revela as súas características a través de diferentes culturas, identidades e idiomas. O enfoque deste tema está totalmente en liña coa celebración do Ano Internacional das Linguas Indíxenas.




Cada ano, a UNESCO e as tres organizacións profesionais internacionais do mundo do libro (a Unión Internacional de Editores, a Federación Internacional de Libreiros e a Federación Internacional de Asociacións e Institucións Bibliotecarias) elixen unha capital mundial do libro cuxo mandato empeza cada 23 de abril.

O comité de selección elixiu Sharjah dos Emiratos Árabes Unidos, pola natureza innovadora, integral e inclusiva da súa solicitude, cun programa de actividades centrado na comunidade que contén propostas creativas para involucrar á numerosa poboación migrante. Co slogan "Le: estás en Sharjah", o programa céntrase en seis temas: inclusión, lectura, herdanza, divulgación, publicacións e nenos. Entre outros actos, haberá unha conferencia sobre a liberdade de expresión, un concurso para novos poetas, talleres para crear libros en braille e libros táctiles, así como moitos outras actividades para a poboación multiétnica de Sharjah. O obxectivo da cidade é fomentar unha cultura da lectura nos Emiratos Árabes Unidos e crear novas iniciativas para fomentar a creación literaria na área e no resto do mundo árabe.


miércoles, 17 de abril de 2019

Los soldados de Cataluña, de Eduardo Mendoza


A lectura escollida para o mes de abril no CL Pintor de Castinande é esta novela de Eduardo Mendoza, que tivo como título orixinal : "La verdad sobre el caso Savolta", e coa que acadou un gran recoñecemento e foi  Premio da Crítica no ano 1976. 
O título orixinal "Los soldados de Cataluña", non foi aceptado pola censura franquista. 

Novela social e política ambientada na Barcelona dos anos vinte do século pasado e considerada como a primeira novela da transición democrática en España. 


Resumo: Barcelona entre os anos 1917 e 1923. É a época do pistolerismo durante a cal o enfrontamento entre pistoleiros anarquistas e sicarios pagos pola patronal arroxou un número escandaloso de mortes. O enfrontamento entre os traballadores anarquistas e os propietarios da fábrica de armas Savolta agrávase cando a familia Savolta decide acabar coa rebelión contratando asasinos a soldo e tramando intrigas co fin de ocultar as súas ilegais transaccións con Alemaña. Esta obra reflicte a situación social, económica e política da época, un momento de gran inseguridade e de constantes protestas obreiras.

O autor : EDUARDO MENDOZA
Naceu en Barcelona en 1943. Avogado e tradutor na Organización das Nacións Unidas en Nova York, foi funcionario internacional en Xenebra, Viena e Istambul. Cando intuíu que podía vivir da literatura renunciou ao seu cargo.


A súa obra : 1975-2018