Biblioteca Pública Municipal de Sober

Don Lirone , o showman, está preparado para presentar  ao elenco de grandes artistas Un xenial mago mentalista chamado Karalume chegado  directamente da India coa súa compañeira Papapalina. Mañá venres 28 ás 18 :00h. na Biblioteca de Sober

O club de lectura Pintor de Castinande inicia o mes de outubro  coa lectura de Una pasión rusa , da periodista Reyes Monforte. Nas case seicentas páxinas do libro coñecemos a historia de Lina Codina , casada có compositor Serguei Prokóviev e a través da súa vida tamén coñecemos un pouco máis da historia do século XX. Enlaces relacionados :  Lina Codina Serguei Prókoviev Reyes Monforte acusada de plaxio PEDRO E O LOBO no " Conciertazo " con Fernando Argenta.  Pedro e o lobo  é unha composición sinfónica de Serguéi Prokófiev (Op. 67) escrita en 1936. A obra de Prokófiev é unha historia para nenos, con música e texto adaptado por el, cun narrador acompañado pola orquestra.

Merendas con contos : Venres  21 de outubro   ás 17:30h. na Biblioteca de Sober  Programa de animación á lectura LER CONTA MOITO "Érase unha vez un coelliño branco. Un día foi buscar coles á horta para facer un caldiño..."

Dende 1997, cada 24 de outubro conmemórase o Día da Biblioteca, unha iniciativa da Amigos del libro infantil y juvenil  , co apoio do Ministerio de Cultura, en lembranza da destrución da Biblioteca de Sarajevo incendiada en 1992 durante a Guerra dos Balcáns. Esta conmemoración naceu para trasladar á opinión pública a importancia da biblioteca como lugar de encontro de todos os lectores de todas as idades coa cultura, e como un instrumento de mellora da formación e a convivencia humana.   Cada ano se encarga a un escritor e a un ilustrador, ambos de recoñecido prestixio, a redación do pregón e o deseño do cartel que se difunde entre todas as bibliotecas de España, asociados e interesados.  Este ano as elexidas foron dúas mulleres: Ledicia Costas, última gañadora do Premio Nacional (Escarlatina, a cociñeira defunta) e do Premio Lazarillo (Jules Verne e a vida secreta das mulleres planta), e a ilustradora Elena Odriozola , tamén galardonada co Pr...