Biblioteca Pública Municipal de Sober

   A segunda lectura do club será un manga : El dulce hogar de Chi, de Konami Kanata . Con esta elección queremos achegarnos ao mundo do manga, un tipo de literatura que lles resulta moi atractivo aos compoñentes do club.  Comezamos aprendendo a ler manga e para iso, contamos coa colaboración dos alumnos que xa len manga nas súas casas que lles explicaron aos demais como hai que facelo e tamén compartimos este titorial de  https://wasabimanga.com/mangas/      O libro elexido pertence á categoría de manga KODOMO que en japonés significa neno e que no ámbito do manga se usa para referirse ao público infantil xa que trata temas adaptados a este público e a familias e tanto o vocabulario como as ilustracións son adecuados para estas idades.    Chi é a protagonista desta serie que estivo de moda en Xapón e que se converteu nun éxito de ventas mundiais. A historia comeza cando unha familia atopa na rúa un gatiño moi bonito e adorable e...

 Coñecemos a orixe dunha  canción popular galega : A RIANXEIRA ( Fonte : materiais de Lingua Galega da Xunta de Galicia , Wikipedia Galega )) O periodista Iñaki Gabilondo relata esta historia sobre a famosa ” A Rianxeira “. Conta como Angel Romero fillo do autor da Rianxeira tiña a grabación orixinal da canción feita en 1950 en Bos Aires, pero que nunca a pudo escoitar. Foi composta nun principio en Bos Aires en 1947 a proposta de Anxo Romero Loxo ,  quen compuxo a música, nunha reunión no Centro Rianxo na que se atopaba a directiva e mais Xesús Freiro Dourado   (“Pinciñas”), compositor da letra.  Foi estreada un ano despois polo Coro Castelao na cidade de Bos Aires, a pesar de que a súa estrea oficial data do ano 1950, co gallo da recepción de Castelao no porto de Bos Aires.  O texto orixinal ten a súa orixe en diversas variantes de cantos tradicionais de acompañamento ás procesións de adoración á Virxe de Guadalupe  (patroa de Rianxo) . Nun pri...

 

  Participantes no obradoiro  adicado á celebración do entroido.  Característicos da nosa comarca son estes bonecos fabricados con papeis de cores que os nenos e nenas elaboran e unha vez rematados comeza un xogo que consiste en "roubar" os compadres e comadres e tratar de rompelos aos teus compañeiros. Esta é unha tradición da nosa zona que agrada especialmente aos máis cativos, asi que con tesoiras, papeis de cores e moita imaxinación comeza o entroido na biblioteca de Sober.

  Rocío Fdez. , informática do noso Concello, preparou unha tarde ben interesante para festexar  o Día da Muller e da nena na ciencia.  Utilizando medios informáticos , os nenos xogaron e aprenderon novas formas de facer música con aplicacións novedosas e moi interesantes. Gracias Rocío, @ospatios.

 

 Durante o mes de febreiro podemos contemplar unha nova exposición na biblioteca  , neste caso realizada pola Asociación fotográfica O Potiños. Os seus autores falan dela como sorprendente e novidosa en relación as súas anteriores composicións. Sorprendente, alucinante e sublime.