PLATA QUEMADA, de Ricardo Piglia

Engadir título

O club de lectura Pintor de Castinande rematou de ler a novela Plata quemada, do autor arxentino Ricardo Piglia.

É unha novela "negra" publicada no 1997 en Buenos Aires. Parte dun caso real : un atraco a un furgón cheo de plata que sucedeu nesa capital no ano 1965. Os atracadores escapan a Montevideo e ata alí os persegue a policía.

A novela novela recorda na súa formulación a "Sangre  fría" de Truman Capote, polo estilo xornalístico e meticuloso de reconstruír a historia e polo seu afán de contar o caso co máximo de verosimilitude.

As personaxes, a medida que os vamos coñecendo, resultan inquietantes e o autor, ó final, elévaos case á categoría de heroes.

Non nos evita Ricardo Piglia ningunha das múltiples baixezas e maldades humanas: vamos a ter que enfrontarnos coa forma de traballar, utilizando como ferramenta habitual a tortura, da policía arxentina; darémonos tamén de bruces cunha maldade nihilista, sen sentido nin explicación que a xustifique ante os nosos ollos. A maioría das personaxes son marxinais, por elección ou porque é o seu destino.

O autor vainos ter en vilo durante as duascentas e poucas páxinas da novela, desexando por momentos non habernos cruzado con estes tipos, pero hipnotizados pola súa historia.

                A  PELÍCULA : http://es.wikipedia.org/wiki/Plata_quemada, 

 dirixida por Marcelo Piñeyro