O Club de lectura da biblioteca comeza o ano 2016
coa novela :
La república de los sueños de Nélida Piñon.
Escritora e xornalista brasileira nada en Rio de Janeiro no ano 1937. A súa fascinación pola palabra tanto escrita como oral remóntase desde a súa infancia influída polos seus devanceiros celtas, galegos e brasileiros. Os seus avós eran galegos, de Cotobade (Pontevedra) e nesta novela "A república dos Sonhos" aparece reflexada unha parte da historia da emigración galega.
É licenciada en Filosofía da Universidade de Columbia e é profesora da Universidade de Miami. Ten unha vasta obra literaria. En 1995 recibe o prestixioso premio Juan Rulfo. Logo foi presidenta da Academia Brasileira de Letras (ABL) entre 1996-1997, sendo a primeira vez que unha muller presidía unha academia literaria en todo o mundo.
No ano 2003 recibe o premio Menéndez Pelayo. No 2004, a Universidade de Oklahoma outórgalle o premio Puterbaugh e no 2005 recibe o premio Príncipe de Asturias.
"Madruga e Venancio naceron co século. Coñecéronse no barco inglés que os trasladou de Vigo a Río de Janeiro no ano 1913. Apenas eran uns raparigos cando deixaron atrás a miseria e o desamparo do seu país para navegar detrás dun soño, rumbo aos paraísos de ultramar"
Comentarios
Publicar un comentario