Poemas no nadal

Postais de Nadal feitas polos nenos e as nenas da biblioteca de Sober

O NADAL                                                                                             

Agora é tempo de Nadal

e imos festexar

porque é un día moi especial

que hai que celebrar.

Ven o Apalpador

e os Reis Magos tamén

con agasallos para todos

os que se porten ben.

O Nadal é un tempo para descansar

e estar o lado de persoas queridas

que nunca che olvidarán.

O Nadal é tempo para estar contentos

e pensar en cousas boas

cantando villancicos

ás persoas que están soas. 

UXÍA TRAIL BATES, 11 anos

O RELOXO DO NADAL

Tic tac soa o reloxo

o meniño está perto.

Ano tras ano é 

a mesma canción.

Miro arredor e vexo

a xente toda coa 

mesma ilusión.

Xogando e correndo

os nenos na rúa

están coa ledicia 

de levantarse pola 

mañá e encontrar 

a árbore chea de agasallos.

A ilusión dun neno

está no tic tac

do seu corazón.

CRISTIAN DOURADO RODRÍGUEZ, 7 anos

O NADAL

Un bonito día

esperando o seu chegar

saltando de alegría

porque estamos no Nadal.

Días festivos 

e divertidos

que sexan alegres

e moi activos.

Ca familia imos estar

rindo felices

xunto a árbore de Nadal.

Os copos de neve,

caindo do ceo

con sutileza

máis brancos que o xeo.

Qué bonitos días, han de pasar, 

cheos de momentos máxicos, 

que só ocorren no Nadal.

Bo Nadal

Feliz Aninovo

Felices Festas

que os desexo a todos ¡¡¡

AITANA CRUZ RODRÍGUEZ CASADO, 11 anos

O NENO

Noite longa

noite fría

na que naceu

o Mesías.

Parece un anxiño

con esa cariña

tan redondiña.

Metido entre pallas

con doce sorriso

un burro, unha vaca

José e María.

Que ben que ben

que naceu

en Belén. 

BRAIS RODRÍGUEZ ÁLVAREZ, 10 anos

Estes poemas foron os gañadores do Certame de poesía infantil Nadal 2018, convocado pola BPM de Sober e a  Biblioteca Pública de Lugo.