A autora toma unha figura histórica pouco coñecida, Lucrezia de Médici, e imaxina a súa historia desde a perspectiva dunha nena que non chegou a cumprir 16 anos, pois morreu de tuberculose.
O libro comeza cun momento dramático, no que a parella formada por Lucrecia e o Duque de Ferrara, xa casados, se traslada a unha fortaleza afastada da corte onde Lucrezia ten a certeza de que o seu marido vai asasinala.
A trama do libro da un salto atrás e lévanos ao momento da xestación da protagonista,para ir relatando a súa infancia xunto a súa familia, o seu pai, o poderoso Cosme de Médici, e a sua nai a española Leonor Álvarez de Toledo , filla do Virrei de Nápoles.
Unha estupenda recreación ficcionada da vida de Lucrezia de Médici na Italia de mediados do século XVI.
A autora Maggie O'Farrel é unha escritora británica natural de Irlanda do Norte. Destacamos da súa obra un libro de Memorias, que trata de experiencias persoais cercanas á morte, e tamén a novela Hamnet, que narra a vida da familia de Shakespeare. "Retrato de casada" , publicado no ano 2022 é a segunda novela.
Comentarios
Publicar un comentario