O club de lectura Pintor de Castinande rematou de ler unha historia que ten lugar na Italia rural e que está escrita pola siciliana Simonetta Agnello Hornby :
O 23 de setiembre de 1963 , no pobo siciliano de Roccacolomba, falece a Mennulara, asi chamada por ser na súa nenez unha fermosa recolledora de améndoas. O resto da súa vida dedicouno a servir á familia Alfallipe sendo tamén administradora dos seus bens o que desata os chismorreos entre os veciños : criticada por uns e venerada por outros, a súa personalidade non pasou inadvertida.
Pouco a pouco, o lector vai atando cabos para así descubrir a vida, a personalidade e as motivacións dunha muller forte e intelixente, que soubo sobrepoñerse a unha existencia dura e desdichada e quixo servir con fidelidade a unha familia que xamais soubo valorar a súa entrega e o seu agarimo.
A autora :
Simonetta Agnello Hornby naceu en Palermo (Sicilia) en 1945. Pertence a unha familia da pequena aristocracia siciliana. Pasou parte da súa infancia en Agrigento e non comezou a ir ao colexio ata os 11 anos, sendo educada ata entón en casa cunha titora e un profesor particular. Na súa familia, por mor da súa clase social, ninguén traballaba.
Licenciouse en Dereito, estudos que finalizou en Inglaterra onde tamén ten o seu domicilio desde 1972, foi presidenta durante oito anos do Tribunal de Necesidades Educativas Especiais e Discapacidade, e fundou un bufete de avogados na cidade de Brixton, que se ocupa dos problemas das comunidades negras e musulmás.
Empezou a escribir aos 55 anos, grazas a un afortunado atraso dun voo que a deixou nun aeroporto de Roma e a súa primeira novela A Mennulara, converteuse en best-seller, sendo traducida a doce idiomas e facéndose acredora do Premio Literario Forte Village, e o Premio de Stresa Ficción (ambos en 2003) e en España o II Premio Novela Europea Camiño de Santiago.
Outras obras súas son A tía marquesa,(2004) Boccamurata (2007) Vento Roto.(2009) e Entre a Bruma (2010).
Na maior parte das súas obras, o tema central son os dramas familiares e os amores desgraciados. E por suposto, a terra e a cultura Sicilianas, coa inevitable pantasma da Mafia, que parece impregnalo todo.
Comentarios
Publicar un comentario