O club de lectura adéntrase nesta novela na que unha historiadora encóntrase na web un blog que lle chama a atención : Caderno do inquisidor . Ela centrou a súa tese doutoral no estudo do Tribunal do Santo Oficio na España do século XVII, polo que o apelativo do inquisidor esperta deseguida o seu interese. O diario dixital deste Inquisidor reflicte un home atormentado que relata que tivo parte nuns polémicos sucesos acontecidos nun convento español no século XVII, cando se acusa as monxas e o abade de herexía. El é o encargado dos interrogatorios aos acusados. Pero, quen hai detrás deste inquisidor que colga a súa bitácora na rede? Que significa este diario?
A biblioteca comeza as actividades para os adultos coa presentación da novela de Óscar M. Guzmán: "Os segredos de Teresa " que foi presentada por Moncha Prieto (" Alma de barro " Ed. Xerais ). Nas palabras de Moncha coñecimos á protagonista desta novela de intriga : "Nacín no mes de Nadal de 1930. Coñecín o amor dunha nai ata que a fatalidade me escolleu como amante. Coñecín tamén o amor de Justo, un home que chegou ata ilegalidade por amarme. No meu periplo vital leváchesme a lugares fermosos, emblemáticos para ti. Tanto me engaliolaron que neles fun deixando as miñas pegadas." Ao remate o autor asinou exemplares a todos os asistentes a esta primeira presentación do noso curso.
Comentarios
Publicar un comentario