Un tradutor simultáneo que viaxa de cidade en cidade cóntalle a súa vida a unha muller, evocando no seu relato as voces dos habitantes de Mágina, o seu pobo natal. Así saberemos do seu bisavó Pedro, que era expósito e estivo en Cuba ; do seu avó, garda de asalto que en 1939 acabou nun campo de concentración ; dos seus pais e da súa propia vida dende que era un neno. A historia de Manuel e de Nadia contada por ANTONIO MUÑOZ MOLINA acompañou na lectura de novembro aos integrantes do Cl da biblioteca de Sober. Nesta tesina : "La memoria republicana de la guerra civil" estúdiase a representación da memoria republicana da Guerra Civil no xinete polaco dende varias perspectivas. |
A biblioteca comeza as actividades para os adultos coa presentación da novela de Óscar M. Guzmán: "Os segredos de Teresa " que foi presentada por Moncha Prieto (" Alma de barro " Ed. Xerais ). Nas palabras de Moncha coñecimos á protagonista desta novela de intriga : "Nacín no mes de Nadal de 1930. Coñecín o amor dunha nai ata que a fatalidade me escolleu como amante. Coñecín tamén o amor de Justo, un home que chegou ata ilegalidade por amarme. No meu periplo vital leváchesme a lugares fermosos, emblemáticos para ti. Tanto me engaliolaron que neles fun deixando as miñas pegadas." Ao remate o autor asinou exemplares a todos os asistentes a esta primeira presentación do noso curso.
Comentarios
Publicar un comentario