CL-O Club de lectura vaise de vacacións

 Montse Rivera presentou  a súa proposta CÓNTOCHE UN TRAXE o xoves   14 de xuño ante os integrantes do CL Pintor de Castinande da Biblioteca de Sober. 

Ao longo de dúas horas fixo unha  excelente  posta en escea, presentando a historia do traxe  en Galicia, como e onde se facían as roupas, os tecidos e a diferenza entre homes e mulleres así como as roupas de traballo e de gala. 

Contou coa axuda de catro asistentes ao acto que serviron de modelos mostrando a maneira de vestirse.  Acompañando a presentación da roupa, Montse interpretou cantigas adicadas a distintas pezas  e relatos recollidos en diferentes zonas de Galicia. 
Puidemos tamén coñecer a roupa dos nosos devanceiros a través dunha selección de libros expostos durante o acto.

Con esta actividade o CL Pintor de Castinande remata as reunións semanais ata o mes de setembro no que voltaremos á biblioteca con novas historias para compartir. 

Felices vacacións de verán para tod@s

Os integrantes do CL despiden o curso cunha boa merenda.