Na segunda quincena do mes de outubro comezan as actividades de animación á lectura dirixidas aos usuarios adultos da nosa biblioteca.
As reunións semanais teñen lugar os martes a partir das 18:00h. , repartindo este tempo entre a lectura en voz alta que se fai todos os martes ( espazo do Club de lectura Pintor de Castinande) e outras seccións que van mudando todas as semanas, as denominadas : historia de vida, historia das cancións, mundo dixital e estimulación cognitiva.
O día 19 de outubro iniciamos a lectura en voz alta con "Alma de barro" de Moncha Prieto,
integrante do CL Pintor de Castinande. No último trimestre do ano 2021 lemos a maior parte dos relatos que conforman este libro, analizados e debatidas coa propia autora . Lemos "Sardiñas fritidas ", "Vitoriano e Amelia", "Un anaquiño de ceo", "As capadoras", "Longa espera"...
Na primeira reunión estivo con nós Alberto Fernández, colaborador da Biblioteca Pública de Sarria, para coñecer como se desenvolve unha sesión do noso CL pois nesa localidade teñen un proyecto de cl para a biblioteca e querían información do desenvolvemento das sesións . A partir desta visita de Alberto, comeza unha colaboración coa biblioteca de Sarria que nos leva ata esta vila o día 23 de novembro. Coñecimos a biblioteca pública e tivemos visita guiada polas rúas e edificios máis representatativos, sempre acompañados por Alberto.
Casa da cultura de Sarria onde se atopa a biblioteca pública municipal. |
A segunda lectura proposta foi "Asesinato en la plaza de la farola", de Julio César Cano.
Un vagabundo aparece brutalmente asasinado no caixeiro dunha oficina bancaria da céntrica Praza da Independencia de Castellón de la Plana, coñecida popularmente como a Plaza de la Farola. O inspector Bartolomeu Monfort trasládase desde Barcelona para traballar no caso.
Este será o primeiro libro dunha serie que, Julio César Cano (1965, Capellades, Barcelona) , empezou a escribir despois de traballar durante anos como músico e mánager de grupos.
Rematamos o último trimestre do ano con esta entretida lectura ,unha novela policial que nos atrapa e nos leva a coñecer unha parte moi fermosa da comunidade valenciana, coas súas costumbres, gastronomía e paisaxes.
Antes das vacacións de nadal realizamos una xornada adicada a orixe das panxoliñas, con lecturas de villancicos de diferentes partes do mundo.
Voltamos o día 11 de xaneiro do 2022 con novas propostas. Bo nadal.
Comentarios
Publicar un comentario