Entre os días 4 de xullo e durante cinco semanas , ata o 4 de agosto, realizamos o campamento de verán para nenos e nenas entre os catro e os doce anos, que chega xa a súa 6ªedición.
As actividades teñen lugar de luns a xoves entre as 10:30 e as 13:30. Na presente edición destacamos as actividades de iniciación a diferentes deportes, excursións e visitas a lugares do concello de Sober e coma sempre as visitas semanais á biblioteca, para coñecer as novas lecturas incorporadas a nosa colección infantil-xuvenil, facer novos soci@s e facer préstamos aos interesados en levar lecturas para a súa casa.
Durante este tempo de verán a excursión ata o río Sil desperta sempre expectación e balbordo entre os pequenos participantes. Na visita á Casa da Fonte, guiada polo titular da explotación gandeira, Xosé García Freire, contounos a composición do rabaño actual enfocado sobre todo á producción do leite e derivados : queixo, iogures...
Navegación en kayac polo río Sil.
Como novidade este ano fixemos unha noite de acampada nas instalacións das piscinas municipais e como colofón na última mañá houbo xogos para toda a familia , merenda de despedida e entrega de diplomas por parte do Alcalde de Sober Luis Fdez. Guitián.
Comentarios
Publicar un comentario