Presentación de LA PROPUESTA

O martes 8 de novembro tivemos na biblioteca de Sober a presentación da primeira edición realizada por José Martín Caravallo. Trátase dun libro de realatos que este autor titula: LA PROPUESTA, CUENTOS PARA APURADOS. De diferente temática, son historias basadas na vida deste novo autor, que ven doutro lado do Atlántico e que vive na nosa comarca dende hai tres anos.

A presentación fíxoa MONCHA PRIETO, autora de ALMA DE BARRO : RELATOS DA RIBEIRA SACRA.

Os participantes no CL Pintor de Castinande e as persoas que acuden as actividades de maiores dos martes na bpm de Sober, asistiron a esta presentación con moito interese.

Ao remate o autor dedica os libros aos lectores interesados nunha nova proposta, que podemos consultar tamén na coleción da nosa biblioteca .

Moita sorte Martín con esta publicación.

Lectura no campamento de verán 2025 'Coñece o teu concello'. 6

Poñemos punto e final ás lecturas no campamento de verán 2025 con dous libros imperdibles da editorial Kalandraka: Ratos de viaxe de Oli e Natalia Colombo e O conto do outro día de Roberto Aliaga e Noemí Villamuza. O verán e un momento fantástico para gozar coas grandes historias que se encontran nos contos!

Obradoiro de cianotipia no Faladoiro dos luns

O Faladoiro dos luns despediu este curso cun obradoiro para descubrir a cianotipia impartido por Lucía Lobelle. Nel introducíronse no proceso, a historia e os materiais necesarios desta técnica fotográfica.

Biblioteca Pública Municipal de Sober

Buscar este blog