Merendas con contos con YOLANDA CASTAÑO

 

No último venres de xaneiro recibimos a visita da poeta galega Yolanda Castaño, que está a realizar unha Residencia literaria"Escrita no remoto" no Museo Pazo de Tor de Monforte de Lemos.

Achegouse ata a  biblioteca de Sober para contar aos nenos e nenas das Merendas con contos o seu libro "Coller as rendas" 

O ourizo cacho, a vaca, o porco teixo, o sapo, a cascuda, a carracha...son os protagonistas deste fermoso conto ilustrado por Xosé Tomás. 

"A cría macho

do ourizo cacho

que se escondeu.

"Cando me agacho

detrás do sacho

ninguén me atopa

e aquí estou eu!"

Moitas grazas Yolanda por vir ata a BPM de Sober.