Biblioteca Pública Municipal de Sober

 Os integrantes celebraron o DÍA DO LIBRO cunha viaxe cultural a Celanova ( Ourense ).  Visitaron a Casa dos Poetas, Fundación Curros Enriqueze  tamén o impresionante  Mosteiro de San Salvador.  A visita supuxo un paseo polas rúas deste fermosa vila e pola tarde achegáronse ata un xacemento castrexo e a vila medieval de Vilanova dos Infantes. 

  A partir da lectura da novela "Un jardín en el mar" xurdiron moitas preguntas relacionadas coa historia de España nas colonias, concretamente nas illas Filipinas.  Invitamos a nosa biblioteca  a  Francisco Ruiz Aldereguía, marino de profesión , e autor de numerosas crónicas e libros relacionados có tema da presencia da coroa española nos Mares do Sur. Unha interesante conversa sobre a orixe do comercio entre Europa e Asia, a rutas das especias e a evolución  deste comercio ata a actualidade. Completamos así a lectura da novela de Pilar Méndez Jiménez , que nos tralada ata o mar da China, dende Madrid ata Manila.

Durante o mes de abril a lectura realizada polos nenos e nenas do colexio de Sober foi POLICÁN, de DAV PILKEY ;  este cómic resultou moi atractivo para todos os integrantes deste grupo de lectura, no que a biblioteca pública participa habitualmente. No blog da biblioteca escolar atopamos imaxes e comentarios da lectura :   O blogue de Lectuvín: CLUB DE LECTURA (12 / 2023 - 2024) (bibliotecavirxedocarme.blogspot.com)

 

 Dende a Bliblioteca Municipal de Sober, no mes de abril, para conmemorar o Día do Libro Infantil e Xuvenil (2 de abril) e o Día do Libro (23 de abril), levaranse a cabo unha serie de propostas que se realizarán para público infantil e adulto que acoden ao Club de Lectura Pintor de Castinande e ás Merendas con Contos. 📜 A actividade principal será “AS BIOGRAFÍAS DA BIBLIOTECA: @EL HEMATOCRÍTICO”. Escribimos unha biografía de Miguel López (A Coruña, 1976 – Vigo, 2023), mestre de profesión, aínda que destacou polo seu labor como autor de libros infantís. 📅 Os nenos e as nenas de Merendas con Contos farán a presentación deste traballo, o día 19 de abril. Invitamos a todas as persoas interesadas en coñecer e profundizar na figura deste escritor galego. 📙 O Día do Libro (23 de abril) o Club de Lectura realiza unha visita a Celanova para coñecer a Fundación Curros Enríquez. 📘O día 24, todas as persoas que acudan o Centro Sociocultural de Sober, poden levar como agasallo un libro. 📗 ...

                   Como homenaxe ao escritor danés Hans Christian Andersen, celébrase o 2 de abril, aniversario do seu nacemento, o  Día Internacional do Libro Infantil .  Esta efeméride promovida polo   IBBY , a nivel internacional, e polas seccións  que a integran, ten como obxectivo promover a lectura entre os máis pequenos e fomentar o amor pola lectura desde unha idade temperá. Os libros non só son unha fonte de entretemento, senón tamén unha poderosa ferramenta para educar, inspirar e enriquecer a vida da xente nova. Ademais, a lectura fomenta a creatividade, a imaxinación e o pensamento crítico, habilidades fundamentais para o seu desenvolvemento cognitivo e emocional. (FONTE :  http://www.galix.org/2024/04/feliz-dia-do-libro-infantil.html