DÍA DA BIBLIOTECA - 24 DE OUTUBRO
O día 24 de outubro celebramos cós nenos e nenas do CEIP Virxe do Carme de Sober a posta en marcha da sua biblioteca escolar. En globos de cores escribiron os títulos dos contos preferidos e debuxaron as persoaxes protagonistas. Un neno e unha nena de 6º curso leron o pregón feito para este día polo presidente da Asociación Española de Amigos del Libro Infantil y Juvenil, José María Gutiérrez de la Torre.
Noraboa as mestras Flora e Montse por recuperar esa biblioteca tan fermosa .
Xa pola tarde, o alcalde de Sober, Luis Fernández Guitián, recibiu na
Biblioteca Pública á todos os membros da Corporación Municipal para convidalos
a que se fagan socios e animen aos seus familiares e amigos a formar parte “da
gran familia literaria de Sober”. Para iso, o alcalde entregoulles unha
carta na que se enxalzan as posibilidades formativas e de entretemento que a
lectura achega a persoas de todas as idades.
Fernández
Guitián recorda a ampla oferta literaria, didáctica e de formatos que ofrece a
Biblioteca Municipal, polo que se dirixirá a todos os gremios e colectivos do
Concello co obxectivo de incrementar o número de socios. Refírese nesta carta a un espazo “de referencia, encontro e intercambio
tanto para os máis novos como para os adultos”.
Por
último, e dentro da conmemoración do Día Internacional da Biblioteca, o venres
26 tivemos unha xornada de portas abertas na que traballamos coa lectura do
libro Os Bolechas queren saber cómo é a
biblioteca, do autor Pepe Carreiro, fixemos avións de papel e decoramos globos con títulos de peliculas. Os nenos coñeceron a clasificación dos libros por materias nos antigos ficheiros e deseguido visitamos a páxina web da Rede de Bibliotecas de Galicia para atopar o catálogo da biblioteca de Sober.
Comentarios
Publicar un comentario