O servicio "Pregunte, as bibliotecas responden" ten como obxectivo o de crear un servicio de información público na rede internet, a través do correo electrónico e web, xestionado de forma cooperativa entre bibliotecas das diferentes comunidades autónomas, e coordinado pola Dirección Xeral de Belas Artes e Bens Culturais, de Arquivos e Bibliotecas, do Ministerio de Educación, Cultura e Deporte, a través da Subdirección Xeral de Coordinación Bibliotecaria.
Este proxecto quere impulsa-lo papel activo das bibliotecas públicas na sociedade da información, como centros de información accesibles para todos, baseados en coleccións de referencia, tanto as tradicionais como formatos multimedia e recursos na rede.
"As bibliotecas responden" funciona 24 horas, 365 días ó ano, e comprométese a contestar nun prazo máximo de dous días (excluíndo os festivos e fins de semana). As preguntas poden tratar sobre calquera tema puntual e concreto. Está aberto a tódolos cidadáns.
Servicio ofrecido polo MINISTERIO DE EDUCACIÓN, CULTURA e DEPORTE e as COMUNIDADES AUTÓNOMAS
Comentarios
Publicar un comentario