PARABÉNS BIBLIOTECA

Durante o mes de outubro a BPM de Sober programou unha serie de actividades con motivo da celebración do 24 de outubro ,  DÍA DA BIBLIOTECA : o mércores 11 contamos coa participación de ANTÓN VALCARCE, que nos presentou o seu novo libro de relatos " Contáronme que che contara " ; o venres 13 estivo FÁTIMA FERNÁNDEZ, cós seus CONTOS REVOLTOS. 

Fátima Fernández e Antón Valcarce

E así ata chegar ata o martes 24 no que a biblioteca recibe a visita dos alumnos de primaria do CEIP Plurilingüe Virxe do Carme. 

Lectura do pregón polo Alcalde de Sober Luís Fdez. Guitián

Durante a visita realizada á biblioteca pública, os escolares recibiron información dos servicios que ofrece a biblioteca e  os distintos materiais que compoñen o seu catálogo . Para rematar este acto os nenos  foron agasallados con marcapáxinas feito para este día e que levan textos de dous escritores da nosa comarca : Lois Diéguez con " A estrela de MM"  e Manuel Veiga con "O escritor fala dos libros".

•  Mércores 25 

O editor  José María Lago, veciño de Sober, fixo a presentación da novela : "Gran sonata para escudos decadentes, oscuras soledades y un clave" de Juan Martínez de la Vega.

 O autor desta extensa narración , finou recentemente, xusto cando preparaba a presentación desta novela histórica na que repasa a súa biografía e á que adicou os últimos dez anos da súa vida. 

A presentación fíxose durante o encontro semanal  que o  club de lectura Pintor de Castinande fai cada mércores e a que asistiron tamén  outras persoas que se achegaron ese día ata a biblioteca.

O sábado 21 de outubro tivo lugar a celebración dunha cea por parte do Colectivo Lemos Le, do cal forma parte a BPM de Sober. Compartimos a commemoración neste enlace  do seu blog : DÍA DA BIBLIOTECA .

• Como remate de todos estes actos chegounos un agasallo en forma de premio : Premios de animación á lectura María Moliner 

O proxecto presentado á XVIII Campaña organizada polo Ministerio de Educación, Cultura e Deporte e que presentamos baixo o título de SOBER LE 2017, obtivo un dos premios concedidos este ano. 

GRAZAS A TODOS OS QUE FACEDES POSIBLE QUE A BIBLIOTECA DE SOBER poida seguir estando presente nas vosas vidas e que esté incluida nos vosos plans. 

QUE VIVA Á LECTURA ¡¡¡¡