Coñecemos no CL un anaco da obra de CHARLES DICKENS a través da súa novela "Grandes Esperanzas".
Primeiro foi publicada como serie desde o 1 de decembro do 1860 ata agosto de 1861 nunha revista literaria, algo moi usual e que caracteriza á publicación de novelas nos anos corenta , as novelas por entregas, normalmente en fascículos mensuais que se vendían ao prezo dun chelín.
Foi adaptada a obras teatrais e cinematográficas en máis de 250 ocasións.
Narra a historia de Phillip Pirrip, PIP un orfo aprendiz de ferreiro cuxa aspiración pasará a ser converterse nun nobre cabaleiro, describindo a súa vida desde a nenez ata a madurez.
A historia pode ser considerada unha autobiografía de Dickens, onde do mesmo xeito que en moitas das súas obras mestura as experiencias da súa vida coa súa contorna social.
A trama desta novela comeza no nadal de 1812, cando Pip ten 13 anos e esténdese ata o inverno de 1840. Está ambientada na campiña de Kent e de Londres, lugares ben coñecidos polo autor, inspirados en localizacións da propia infancia de Dickens.
Sen dúbida, o mellor da novela son os personaxes : a señorita Havisham e Estella, o señor Jagger, Wemmick e Magwitch, Joe e Biddy... e por suposto Pip, o protagonista desta novela : " Al ser el apellido de mi padre Pirrip y mi nombre de pila Philip, mi infantil lengua de trapo no consiguió sacar de ambos nada más largo ni más explícito que Pip, de modo que me llamé a mí mismo Pip y me llamaron Pip. "
O autor : CHARLES DICKENS
 |
| Charles Dickens lendo coas súas fillas na casa de Gad`s Hill. |
Comentarios
Publicar un comentario