Neste mes de abril , MES DOS LIBROS, iniciamos unha actividade que chamamos "En Sober hai moito conto", coa que queremos implicar aos veciños deste concello na tarefa de animación á lectura na biblioteca. Este compromiso que o Concello de Sober ten asumido , tivo unha boa resposta e na primeira xornada invitamos a ANUNCIA VÁZQUEZ FERNÁNDEZ, a visitarnos nas Merendas con contos do venres día 5 de abril.
Anuncia é unha mestra xubilada da parroquia de Vilaescura, que nos fixo unha adaptación do conto : "O tesouro soterrado", conto que se desenvolve nun pobo de Galicia con tres protagonistas : Perico, Xurxo e Xan. Un conto rimado moi fermoso, que nos fixo estar moi atentos durante a narración.
Na segunda parte da tarde, chegou a música con ALFONSO CAMPOS PÉREZ, veciño da parroquia de Proendos.
Alfonso é un gran músico que nos encheu a biblioteca de cancións populares acompañado coa súa guitarra : "Un barquito chiquitito"
Tivemos moita sorte de estar acompañados de Anuncia e Alfonso
nesta tarde do venres 5 de abril.
Grazas por vir e deixarnos escoitar os seus fermosos
contos e cancións.
O mércores día 10 de abril o CLUB DE LECTURA PINTOR DE CASTINANDE tamén tivo moitos contos. A encargada de contar neste día foi a nosa veciña e fantástica narradora TERESA GRAU.
Teresa vive dende hai un tempo na parroquia de Arxemil e como ela mesma se define é : curiosa e vital, cree e sinte que os contos son fundamentais nesta sociedade da imaxe enlatada e considera a narración oral fundamental para ser feliz.
Asistimos nesta tarde a unha sesión de contos para adultos que nos fixo disfrutar e recordar a tradición dos contos nas nosas casas, os contos dos avós e as reunións que se realizaban nas casas galegas.
Excelente tarde de contos con TERESA.
Comentarios
Publicar un comentario