👧👧👧👦👦👦
Actividades Campamento de verán do 21 ao 23 de xullo
✅ MARTES 21
Lectura do conto " Misterio na horta " de Lawrence Schimel e ilustrado por Sara Rojo :
Conta a historia dun rapáz chamado Xan que atopa un baúl duns supostos piratas onde había unha lupa e foi a buscar pistas e imaxinou que era un detective.
✅ Xincana na biblioteca : os nenos e as nenas participantes tiveron que superar varias probas e múltiples obstáculos para atopar o" tesouro " que se agochaba na biblioteca.
O tesouro atopado na biblioteca era un saco de terra de cultivo para utilizar no obradoiro que tiñamos preparado pra rematar esta mañá de campamento de verán.
✅ Obradoiro de decoración de macetas
✅ MÉRCORES 22
Neste día fixemos unha ruta de senderismo pola parroquia de Anllo Santo Estevo.
Comezamos no pobo de Portizó
Neste lugar acompañounos DANIEL FERNÁNDEZ,
que naceu nunha das fermosas casas deste lugar. Realizou con nós o
percorrido amosando aos nenos e as nenas vestixios do pasado , coma este
Peto de ánimas da fotografía. Falounos tamén da existencia dun Priorato,
do que se conserva aínda un escudo coa data de construcción do
edificio. Vimos varias fontes tradicionais e sabemos que por esta
parroquia de Sober pasa o río Cabe, e na súa ribeira tamén existe un
importante traballo nas viñas.
No pobo teñen unha fermosa ponte, que formaba parte do camiño real entre Monforte e Ourense .
Durante este paseo vimos os restos de varios muiños xunto ao regato de Portizó.
MOITAS GRAZAS DANIEL por contarnos tantas cousa interesantes do teu pobo e descubrir contigo lugares ben chulos do noso Concello.
✅ Xoves 23
Realizamos o segundo obradoiro programado polo noso concello e financiado pola Secretaría de Estado de Igualdade no marco do Pacto de Estado en materia de violencia de xénero.
A través do xogo , confeccionando un disfraz de pirata, os nenos e as nenas acompañados pola Educadora Social SELENE ARIAS, colaboraron e disfrutaron con dinámicas e xogos de coeducación.
Comentarios
Publicar un comentario