A lectura escollida polos nenos e nenas do CL do Colexio de Sober para a primavera foi unha das obras do escritor Roald Dahl, que foi un novelista e autor de contos galés de ascendencia norueguesa, famoso como escritor para nenos e adultos.
As opinións foron moi diversas sobre todo en relación o seu final. A algunhas persoas gustoulles e ata lles pareceu divertido pero a outras deulles moita mágoa que a avoa acabase tan mal.
Nas reunións falamos dos diferentes capítulos : Cal é o papel da avoa na familia? E cal é o papel dos nosos avós na nosa familia? Como te sentirías ti no caso de George? E no lugar da avoa?
Todxs destacaron o a importancia que neste conto teñen as ilustracións realizadas por Quentin Blake, ilustrador, escritor e debuxante británico. É moi coñecido polo seu labor como ilustrador de literatura infantil, fundamentalmente das obras de Roald Dahl. O seu estilo artístico é moi característico, con liñas a tinta trazadas con rapidez e inseguridade estudadas que aportan e engaden moitos matices na lectura deste conto.
Comentarios
Publicar un comentario