martes, 14 de marzo de 2017

Camilo José Cela no club de lectura



Camilo José Cela Trulock naceu na localidade de Iria Flavia en Padrón, provincia da Coruña, o 11 de maio de 1916. 
En 1942 arrinca a súa carreira literaria coa publicación da súa primeira novela A familia de Pascual Duarte, tras a que seguiron trece novelas máis ata Madeira de boj (1999).

En 1989 foille concedido o Premio Nobel de Literatura. Dous anos antes recibira o Premio Príncipe de Asturias das Letras, e seis anos despois foille concedido o máximo galardón das Letras Españolas: o Premio Cervantes.

Cela  cultivou todos os xéneros literarios ata alcanzar un total de 120 títulos publicados en vida: 14 novelas, oito novelas curtas, cinco libros de poesía, 17 libros de viaxes, 20 libros de artigos, 26 de contos, tres de teatro, un romance de cego, cinco adaptacións, dúas de entrevistas, 13 de temática variada, un de lexicografía, tres dicionarios e dous libros de memorias: A rosa (memorias da nenez) e Memorias, entendementos e vontades (memorias de mocidade). Tamén foi xornalista, ensaísta, editor de revistas literarias, conferenciante, pintor, actor e un longo etcétera.

En 1956 funda e dirixe desde Mallorca a revista de creación literaria Papeis de Son Armadans revista fundamental para entender a literatura española de posguerra-, que mantivo activa ata 1979, chegándose a editar 276 números durante os seus 23 anos de vida.

En 1957, apadriñado por Vicente Aleixandre, Gregorio Marañón e Joaquín Calvo-Sotelo, ingresou na Real Academia Española, institución na que ocupou a cadeira de brazos Q

En 1977 S. M. o Rey Juan Carlos I nomeouno Senador nas primeiras Cortes Xerais da transición democrática, participando na redacción do texto da Constitución.

Recibiu 25 doutoramentos Honoris Causa por 16 países distintos de 4 continentes e viu como a súa obra editábase e traducía a máis de 40 idiomas. De feito, A familia de Pascual Duarte é considerada por moitos como a novela española máis editada e traducida despois do Quixote.

Morreu en Madrid o 17 de xaneiro de 2002 aos 85 anos. O seu legado consérvase na Fundación que leva o seu nome en Iria Flavia.




O club de lectura da biblioteca de Sober adicou as últimas dúas semanas a coñecer  a obra e a vida do nobel Camilo José Cela, a través de dúas novelas : LA COLMENA, e MAZURCA PARA DOS MUERTOS , novelas escollidas polos integrantes para acercarse a obra do nobel de Padrón.

No hay comentarios:

Publicar un comentario