As Letras Galegas na BPM de Sober

CARLOS CASARES
LETRAS GALEGAS 2017

Durante o mes de maio a programación de animación á lectura da biblioteca de Sober estivo centrada na figura de CARLOS CASARES, autor homenaxeado este ano no día das nosas LETRAS , que celebramos  o  día 17 de maio.

• O día 5 de maio estivo na biblioteca a narradora CRIS DE CALDAS, dentro do programa de animación á lectura Ler conta moito , colaboración entre o Concello de Sober e a Xunta de Galicia.

“A Galiña Azul e compañía” foi a gran protagonista desta tarde de contos xunto con Lolo e a súa bicicleta , o can Rin e o lobo Crispín, Toribio, e moitas Laranxas.

 Rematamos cun obradoiro de marcapáxinas que levaron os nenos para a casa.

• Viaxe a Padrón 

Os integrantes do club de lectura Pintor de Castinande visitamos o concello de Padrón, na comarca do Sar, para coñecer os lugares onde se atopan unha gran parte da  vida e da obra de Camilo José Cela e de Rosalía de Castro.

Pola mañá tivemos unha visita guiada pola  Fundación Pública Galega Camilo José Cela de Iria Flavia, localidade natal do escritor, que foi constituída en 1986 polo Premio Nobel padronés co principal propósito e vontade de gardar todos os seus manuscritos, libros e documentos persoais xunto con obras artístico-pictóricas e diversas coleccións de todo tipo ; todo iso conforma un gran legado cultural, artístico e persoal ,  que foi moi apreciado polos lectores do noso club.

Despois de xantar visitamos a Casa Museo de Rosalía,  a Casa da Matanza en Padrón , na que Rosalía de Castro viviu os últimos anos da súa vida. Este Museo propón un interesante percorrido pola vida e a obra da autora de Cantares Galegos. 

• Play comic : nas Merendas con contos de maio: partindo da lectura do conto de Carlos Casares "Lolo anda en bicicleta ", e guiados por Rocío, a informática do Concello de Sober, os nenos e as nenas elaboraron un comic adaptando este conto coa axuda  da tecnoloxía e tamén da súa imaxinación. 

• Música e literatura

Xunto coa Escola Municipal de Música de Sober, a biblioteca organizou un festival no que participaron alumnos desta escola ( adultos e nenos )  e tamén os nenos e as nenas do programa Merendas con contos. Combinamos a lectura da biografía de Carlos Casares e dalgún dos seus contos, coa interpretación de cancións .

Reseña do festival no diario El Progreso 

• Para rematar o concerto desta tarde  fixemos entrega dos premios da fase local do Certame de Narración e debuxo infantil  convocado pola biblioteca Nodal de Lugo e no que participamos as bibliotecas da provincia.

O  Alcalde de Sober, Luis Fdez. Guitián  fixo entrega dun  lote de libros e diploma ,aos nenos e nenas galardoados neste certame e que foron os seguintes : 

CATEGORIA A, ATA 8 ANOS :

1º Xoán Pérez Fernández

2º Laura Gómez Grande

3º Senén Hernández Rodríguez

CATEGORÍA B, DE 9 A 11 ANOS

1º Héctor Fernández González

2º Mara López Rivera           

3º Henry Vila Rodríguez

CATEGORÍA C, DE 12 A 16 ANOS

1º Rocío González Jiménez

2º Herbert Trail Bates

3º Marco Martínez Rodríguez

NORABOA A TODOS E SORTE NA FASE PROVINCIAL DO CERTAME