O venres 6 de marzo nas Merendas con Contos , os nenos e as nenas da BPM de Sober recibiron a visita de Ruth Díaz Amor, muller emprendedora de Sober adicada o sector do turismo.
Realizou un obradoiro sobre o Patrimonio da Ribeira Sacra, expicando aos cativos conceptos como patrimonio natural, cultural , paisaxístico, do material e tamén do inmaterial ; lemos unha lenda de Sober, unha historia de mouras, covas e tesouros. Para rematar cada neno e cada nena fixo o seu "rosetón " románico con moitas vidreiras de cores.
Na entrada da biblioteca atopamos unha selección de lecturas sobre a muller, o feminismo e sobre a igualdade.
Podedes pasar a escoller a lectura que máis os atraiga para estas datas.
Comentarios
Publicar un comentario