Nestes días de aillamento social a BPM de Sober intenta manter a dinámica habitual neste blog.
Esta é razón pola que hoxe imos coñecer a orixe dunha canción moi popular :
A Carolina.
É unha canción de orixe descoñecido, Galicia e Portugal reclámana para si.
A letra parece inocente, pero non é tal, coma case sempre pasa nas cancións populares galegas : "As letras son para que cada quen interprete o que queira".
Hai quen afirma que se fixo en honor a Carolina Otero, ( antes Agustina ) e logo convertida na Bella Otero. Tamén hai quen afirma que Carolina tiña unha saia cun lagarto bordado, ou non, quen o sabe ! Quizais foi todo imaxinado por quen escribira a letra.
O certo é que a Carolina máis famosa da literatura galega foi a Bella Otero.
Carolina naceu en Valga, no ano 1868, de nai solteira. O pai disque era un oficial da armada grega. cando só tiña dez anos foi brutalmente violada ata case causarlle a morte. Rompéronlle a pelve e producíronlle hemorraxias moi fortes. Fuxiu da casa levando as costas non só a dor física senón tamén as acusacións veladas dalgúns veciños que a culparan a ela pola provocación.
Ós trece anos coñeceu o seu primeiro amante. Ensinouna a bailar, cantar flamenco e a prostituirse. Enfermou e volveu á casa, pero a nai non a aceptou. Traballou unha tempada cunha compañía de cómicos portugueses e desmpeñou diversos traballos para sair adiante.
En 1888 coñecu a Ernest Guguers, un banqueiro que apostou por ela, deixando atrás, diñeiro, familia e estabilidade. este home, usando as súas influencias, levouna a París e converteuna na Bella Otero.
Durante anos actuou no prestixioso Folies Bergere, donde era a estrela principal. Foi a primeira artista española recoñecida internacionalmente.
Carolina foise alonxando de Ernest, deixándoo arruinado e só, ata que acabou suicidándose.
Fixo xiras por todo o mundo e namprou os homes máis poderosos de Europa. Pola súa cama e a súa vida pasaron : Guillermo II de Alemania, Nicolás II de Rusia, Leopoldo II de Bélgica, Alfonso XIII de España...
Foi a muller máis desexada da época. Amasou unha inxente fortuna, que dilapidou nos casinos. Retirouse aos 46 anos e a súa vellez foi bastante difícil
; sobrevivía cunha pequena pensión que lle pasaba o casino de Montecarlo, en agradecemento polos moitos millóns que lle fixera gañar nos seus anos dourados.
Morreu cando tiña 97 anos.
Disque foi a causante de seis suicidios. O Concello de Valga dedicoulle unha escultura.
A canción da Carolina cantárona moitas voces :
Os primeiros foron Fuxan os Ventos no ano 1978, e dende entón fíxose, se cabe, máis popular.
Luar na lubre https://www.youtube.com/watch?v=rsmAijIlrrY
María del Monte https://www.youtube.com/watch?v=mowdK4NVxBU
A Carolina, fose adicada a unha peixeira, ou a Bella Otero, é sen dúbida unha das cancións máis cantadas na nosa xeografía, na portuguesa, e tantos e tantos recunchos onde chegaron os galegos.
Grazas a Moncha Prieto polo traballo de recollida das cancións galegas que figuran no blog da BPM de Sober.
Comentarios
Publicar un comentario