O Colectivo Lemos Le para conmemorar o Día da Muller que se celebra o 8 de marzo, convoca o V Certame Mulleres de Lemos coa finalidade de dar a coñecer e promocionar as figuras femininas relevantes na historia das Terras de Lemos.
O certame deste ano terá como protagonista a Genoveva González Prieto, unha mestra de Bóveda ( Lugo ) traballadora do ensino no rural de Galicia.
As actividades propostas polo colectivo son as seguintes :
- Obradoiro Genoveva González Prieto. Unha muller para o 8 de marzo. que se realizará nos centros educativos da nosa comarca. Desenvólvese en colaboración có Centro de Información á Muller ( CIM ) de Monforte de Lemos. Consta, por unha banda, dun traballo de reflexión sobre a vida dunha mestra formada a principios do século XX e, por outra banda, na elaboración dun libro que plasme en imaxes esta reflexión a través da súa vida.
- V certame Mulleres de Lemos , modalidade Banda Deseñada. Dirixido aos estudantes de Secundaria e bacharelato que deberán elaborar un traballo artístico e creativo sobre a historia de Genoveva González ( cunha extensión mínima de 2 páxinas ).
- V Certame Mulleres de Lemos modalidade Divulgación . Destinada para maiores de 18 anos que poden presentar un traballo sobre a nosa protagonista cunha extensión entre 10 e 25 páxinas a dobre espazo, letra 12.
Comentarios
Publicar un comentario